ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អាជ្ញាធរខេត្តបាត់ដំបងចុះពិនិត្យកាយទីតាំងមួយចំនួនដើម្បីសម្រួលផ្លូវទឹកនៅតាមដងស្ទឹងសង្កែក្រោយទឹកចាប់ផ្ដើមលិចចូលក្រុង

  • ចុះផ្សាយថ្ងៃទី១៧ ខែតុលា ឆ្នាំ២០២១ ម៉ោង ១៤:១៩ នាទី ដោយ Dombong Khmao
  • 960
  Aa |   aA

បាត់ដំបង៖ អាជ្ញាធរខេត្តបាត់ដំបងបានបញ្ជូនគ្រឿងចក្រកាយផ្លូវទឹកកុំឲ្យមានការកកស្ទះនៅតាមបណ្តោយដងស្ទឹងសង្កែ ខណៈទឹកបានលិចចូលក្រុងនៅព្រឹកនេះ។

អភិបាលរងខេត្តបាត់ដំបងលោក សឿម ប៊ុនរិទ្ធិ បានឲ្យដឹងនៅថ្ងៃទី១៧ ខែតុលានេះថា អាជ្ញាធរខេត្តចុះពិនិត្យស្ថានភាពទឹកជំនន់ ស្ទឹងសង្កែ និងតំបន់ប្រឈមខ្លាំងជាងគេ ដែលស្ថិតនៅក្នុងភូមិសាស្ត្រភូមិសូភី សង្កាត់រតនៈ និងសង្កាត់ព្រែកព្រះស្តេច ក្រុងបាត់ដំបង។

រដ្ឋបាលខេត្តបានបញ្ជូនគ្រឿងចក្រកាយដីដើម្បី បើកផ្លូវទឹកកុំឲ្យមានការកកស្ទុះនៅតាមបណ្តោយដងស្ទឹងសង្កែជាមួយគ្នានោះអាជ្ញាធរបានត្រៀមទាំងសម្ភារ:សំរាប់សង្រ្គោះនិងប្រមូលកងកម្លាំងក៏ដូចជាយុវជនស្ម័គ្រចិត្តចូលរួមត្រៀមសង្គ្រោះផងដែរ។

ដោយសារភ្លៀងធ្លាក់នៅផ្នែកខាងលើនៃស្ទឹងសង្កែធ្វើឲ្យជំនន់ទឹកភ្លៀងកើនឡើងយ៉ាងខ្លាំងរយៈពេល២ថ្ងៃនេះធ្វើឲ្យលិចផ្ទះសម្បែងនិងដំណាំរបស់ពលរដ្ឋមួយចំនួនធំ។

កម្ពស់ទឹកក្នុងស្ទឹងនៅពេលនេះឡើងដល់ជាង១៤ម៉ែត្រដែលជាការប្រកាសអាសន្នហើយ នៅតាមភូមិនិងផ្សារមួយចំនួនត្រូវបានទឹកជំនន់ហូរចូលពាសពេញធ្វើឲ្យអាជ្ញាធរអំពាវនាវដល់ពលរដ្ឋឲ្យមានការប្រុងប្រយ័ត្នខ្ពស់ក្រែងមាគ្រោះថ្នាក់ណាមួយកើតឡើងជាយថាហេតុ។ ស្រុកដែលលិចខ្លាំងជាងគេក្នុងខេត្តគឺស្រុកសំឡូត ស្រុករតនមណ្ឌល ស្រុកបាណន់ ស្រុកឯកភ្នំ និងក្រុងបាត់ដំបង៕ 


ព័ត៌មានជាច្រើនទៀតសម្រាប់អ្នក